I-Banyana Banyana ishaye Italy 3-2 yandlulela phambili
Yinjabulo yodwa eMzansi emuva kokuba iqembu labesimame iBanyana Banyana ishaye Italy 3-2 eWellington Regional Stadium yandlulela ku round of 16.
Leqembu lenze umlando ngoba kuyaqala ukuba iBanyana indlulele phambili kuma Knockout Stages kuWorld Cup yabafazi.
Ompetha base Africa bebazi ukubaluleka kwalomdlalo ngoba ukudliwa bekusho ukuthi iBanyana iqoqa okungokwayo ibuya ekhaya.
Umkhonto ugwaze ekhaya ngenkathi uOrsi Benedetta we Italy ekora ezintini zangakubo enika iBanyana igoli. Amagoli eBanyana afakwe ngu Thembi Kgatlana no Hildah Magaia.
